طريقة عمل البسبوسة

البسبوسة

المقادير:
2كوب سميد(دقيق فرخة - سيمولينا )
نص كوب سمنة سايحة وسخنة
كوب سكر
رشة ملح
3 معالق عسل جلوكوز (شراب الدرة) لو مش متوفر يبقى عسل ابيض
علبتين زبادى وزن العلبة 80 جرام
معلقة سمنة سايحة

الطريقة:
نحط السميد والسكر والملح والعسل والسمنة ونقلبهم بالمعلقة لغاية ما كل المكونات تتغلف بالسمنة
نضيف الزبادى ونقلب براحة بالمعلقة اهم حاجة بالراحة علشان تبقى طرية
ندهن صنية مقاس 26بالسمنة من كل الجوانب ونحط فيها البسبوسة ونحط على وشها
معلقة السمنة وندخلها الفرن على 180لمدة نص ساعة واول لما نلاقى الحروف
احمرت نشغل الشواية
اول لما تحمر نصب عليها الشربات السخن وهى سخنة والشربات يكون خفيف

نطى الفرن وندخلها لمدة 30 دقيقة لغاية ما تشرب كل الشربات وبعدين نقدمها

ملحوظة:
ممكن نضيف مكسرات على الوش
ممكن نسبها سادة ونحط عليها القشطة من فوق وتقدم بالهنا
.