مقلوبة بالبرغل ...صور

---

يقطع الباذنجان شرائح بالطول وتمسح بزيت خفيف وتشوى عالنار او بالفرن اني اشويهه عالنار راسا بطاوة تيفال او grill
وتخلي عله صفحه وبهالاثناء تحمسون لحم مقطع مكعبات او لحم مثروم تحمسوا
وتسلكوا الى ان ينشف ميه اللحم المثروم ميحتاج سلك وتحمسون ويا بتيته
مقطعه مكعبات ناعمه وبصل اخضر هم مقطعي واذا تحبون فلفل اخضر اني خليت فطر
هم قطعته ناعم وويه هاي الخلطه تضيفون معجون طماطه وماجي وتضيفون مي الى
ان يغلي خلوا تمن وشعريه محموسه ويا يعني تمن احمر وشعريه ومن ينشف ميه
طفوا النار
بقالب كيك صفطوا البيتنجان بحيث يتغطه القالب كله يعني بالطول خلوا
بيتنجانه يم الثانيه وخلوا بنصه الحشو بس عله كيف حته ليطلع ولفوا
البيتنجان عليه مثل اللفه وضغطوا بايدكم حته ليتفلش يعني حاولوا ترصوا
وفوكا حطو مي ومعجون بس مو هوايه وحطوا بالفرن تقريبا 200 لمده نص ساعه
وطلعوا من الفرن فد 5 دقايق كلبوا عله كيف بالماعون
والف عافيه وادللوا
طبعا كلش طيبه
نفس الفكرة السابقة بس هنا استعملت البرغل المطبك بدل الرز
جربوها كلش طيبة
وطريقة طبخها فكرة جديدة تصلح للمناسبات والضيوف ………..ستكون طبق مميز

[ندعوك للتسجيل في المنتدى أو التعريف بنفسك لمعاينة هذه الصورة]
طريقة عمل البرغل
نحمس الشعيرية وبعدين نضيف البرغل المنقوع مسبقا ومصفى من المي نحمسه
ويه الشعرية قليلا ونضيف خلاصة ماء اللحم او مي عادي مع مكعبين ماجي بمستوى
البرغل حتى لايعجن
وبعد ماينشف مي البرغل نضيفه للقالب الي صفينه بيه شرائح الباذنجان ونضغط عليه بالملعقة الى ان يتساوى
نرجعه الى النار الهادئة ونتركه لمدة نصف ساعة لكي بنضج البرغل تماما
ثم يقلب في صحن وتكون النتيجة مثل الصورة
[ندعوك للتسجيل في المنتدى أو التعريف بنفسك لمعاينة هذه الصورة]