لحمه بالصينيه بالصور

---

لحمة غنم ( أو بقر ) هبرة و معها كمية من الدهنة تقل أو تكثرعلى حسب ذوق
و رغبة عيلتك , و لازم نحط معها دهنة و لو بكمية قليلة , ما بيصير تكون
هبرة عالحل مشان ما تطلع ناشفة



[ندعوك للتسجيل في المنتدى أو التعريف بنفسك لمعاينة هذه الصورة]

للأمانة , نحن ما استخدمنا كل اللحمة اللي بالصورة , تركنا الشقفة الكبيرة يلي باينة عالوجه


كمية مبحبحة من البصل



[ندعوك للتسجيل في المنتدى أو التعريف بنفسك لمعاينة هذه الصورة]

عند الفرم , لاقينا إنه الكمية ما بتكفي ففرمنا كمان بصلة وسط


دبس رمان , لازم دبس رمان و مو أي حامض تاني , لأن دبس الرمان إله نكهته الخاصة اللذيذة و هيي اللي بتعطي الصينية نكهتها المميزة

دبس فليفلة ( حلوة أو حدة ) ( حدة يعني حارة ) , و إذا ما عندك ممكن تستغني عنه , بس لا تحطي بداله فليفلة ما بيمشي الحال

ملح , كمون , أي خلطة بهار طيبة معتمدة عندك

لتزيين الوجه : بندورة و فطر
( ما حطينا فطر عالوجه , لأن بالصدفة ما كان عنا فطر اليوم )

راح نفرم اللحمة و البصل بماكينة فرم اللحمة , و لاحظوا مقاس مصفاية الفرم المستخدمة



[ندعوك للتسجيل في المنتدى أو التعريف بنفسك لمعاينة هذه الصورة]




حطينا دبس الرمان



[ندعوك للتسجيل في المنتدى أو التعريف بنفسك لمعاينة هذه الصورة]

كمية دبس الرمان على حسب ذوقك و رغبتك ( فيكي تتذوقي و تتحكمي بالكمية ,
طبعآ فقط لحمة الغنم يلي فيكي تتذوقيها أما إذا لحمة بقر لا تاكلي منها نية
, انتبهي )


و حطينا الملح و الكمون و البهار ( بكمية مناسبة لكمية اللحمة و البصل ) , و كمان حطينا ملعقة كبييرة دبس فليفلة متوسطة الحد
( الكمية بس لتعطي نكهة الفليلفة و الحد للصينية , هيك راح تطلع أطيب ) , إذا الدبس حد كتير لا تكتروا مشان ما تطلع اللحمة حدة



[ندعوك للتسجيل في المنتدى أو التعريف بنفسك لمعاينة هذه الصورة]

منخلط كل المقادير مع بعضها البعض جيدآ
و منوزعها بالصينية متل مو شايفين و منرفع اللحمة على جناب الصينية




[ندعوك للتسجيل في المنتدى أو التعريف بنفسك لمعاينة هذه الصورة]

و منقطع البندوراية دوائر و منوزعها على وجه الصينية , و منحط فطر بالفراغات ( ما حطيت اليوم , لأن ما كان عنا فطر )


و عالفرن ( هالكمية بتكفي حوالي 5 – 6 أشخاص )


راح نلاحظ , إنه اللحمة راح ينزل منها مي و تتقلص , أكيد راح يصير هيك ,
فينا نخلي نار الفرن هادية مشان ما تنشف المي , بس راح تاكل الصينية وقت
أطول لتنضج

و هي بعد ما طلعت من الفرن



[ندعوك للتسجيل في المنتدى أو التعريف بنفسك لمعاينة هذه الصورة]


بتقدميها و بتقدمي جنبها سلطة خضار و بطاطا مقلية