بالصور البيتزا الحاره اللذيذه

مقادير العجينة

هاتي 4 او 5 كبايات دقيق مخبوزات
وعلشان ماتحتاريش كتير هاتي دقيق بيتزا
أو دقيق متعدد الإستعمالات
وانخليه

هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 800x600 .

ضيفيله 2 ملعقة زيت و3 معالق سمنة بلدي وعدد 2 بيضة وملح وشوية فلفل علشان زفارة البيض

هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 800x600 .

بعد كده تكوني محضرة الخميرة
حطي كيس خميرة على 3/4 كوب ماء فاتر

هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 800x600 .

لما الخميرة بتفور كده
ده دليل على انها فعالة وهتخمرلك العجين

اعجني المكونات كلها مع بعض
وزودي الميه شوية بشوية بس يفضل الميه تكون فاترة
لحد ماالعجينة تكون لينة
وفي نفس الوقت ماتلزقش في الوعاء

هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 800x600 .

غطيها وحطيها في مكان دافئ وسيبيها تخمر لمدة 1/2 ساعة
بعد كده قطعيها 3 او 4 كور حسب مقاسات واحجام الصواني اللي عندك
وسيبيها متكورة لمدة 10 دقايق
بعد كده بططيها على دقيق وافرديها بالنشابة بحيث ان سمكها مايكونش كبير
خليها رقيقة
اقلبي عليها الصينية اللي هتحطيها فيها وشيلي الزيادات
خرميها بالشوكة وسيبيها تخمر في الصينية لمدة 1/2 ساعة

هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 800x600 .

في الوقت ده حضري الطماطم الكونكاسيه
أو صلصة البيتزا
هاتي الطماطم بتاعتك واغسليها كويس أوي
تكوني حطة ميه بتغلي على النار
سقطي فيها الطماطم
وتكوني شقاها بالسكينة من تحت
( علشان سهولة تقشيرها )
ممكن تسلقي معاها التوم وتحطي معاها زعتر ناشف وهي بتتسلق
حسب رغبتك

انا هنا حطيت الطماطم تتسلق لوحدها
وهنا بعد مااتسلقت

هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 800x600 .

قشري الطماطم بعد ماتبرد
وحطيها في الخلاط مع 4 أو 5 فصوص ثوم
بعد كده حطيلها الملح والفلفل والزعتر المطحون
وكتري الزعتر هيخلي ريحتها تجنن وطعمها كمان
حطي ملعقة سمنة بلدي على النار وسقطي فيها الطماطم بعد ماتقلبي فيها التتبيلة بتاعتها
سيبيها تتسبك

بعد كده حضري الحشوة

لحمة مفرومة
طماطم مكعبات
بصل مكعبات صغيرة
فلفل رومي حلقات
فلفل حار حلقات
زيتون اسود
وطبعا جبنة موزاريلا

هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 800x600 .

أنا عملت اللحمة كور صغيرة خالص بعد ماتبلتها بالبصل الناعم والملح والفلفل
وحطيتها على النار تستوي في نفسها

بعد ماالصلصة اتسبكت
فرشتها على البيتزات اللي في الصواني

هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 800x600 .

بعد كده حطيت طبقة خفيفة من الجبنة الموزاريلا

هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 800x600 .

بعد كده حطيت كور اللحمة
والطماطم المكعبات والبصل والفلفل والزيتون الأسود
وضغطت عليهم جامد بإيدي
وبعد كده حطيت طبقة خفيفة من الصلصة
وبعدين ضفت الجبنة الموزاريلا

هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 800x600 .

وده شكلهم النهائي قبل مايدخلوا الفرن

هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 800x600 .

سخني الفرن بتاعك على اعلى درجة حرارة
وحطي الصواني بتاعتك في الوسط
سيبيها لحد ماالجبنة تسيح وتحمر من ع الوش
هتكون استوت
وده شكلها بعد ماطلعت من الفرن مباشرة

هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 800x600 .

إيه رأيكم فيها؟؟
بذمتكم مش شكلها زي الجاهزة
والطعم أحلى والله

هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 800x600 .

ونصيحة مني
لو هتعملوها بالطريقة دي اعملوها قبلها بيوم
وبيتوها في التلاجة
وتاني يوم سخنوها
هتبقا احلى كمان