الجريش بالدجاج خطوات بالصور

المقادير والطريقة

اول شي من الليل اغسلي كاسين جريش غسله وحده بس عشان مايروح النشا اللي فيه
ونقعيه بكاس مويه حاره وكاسين حليب لوحصل طازج افضل وملعقتين سمن افضل شي
نكهته حلوه وهذا شكله


[ندعوك للتسجيل في المنتدى أو التعريف بنفسك لمعاينة هذه الصورة]
وبعد ماتصحين شبي عليه وحطي له ملعقتين صغارملح وملعقه ماجي ابيض وملعقه
كمون وبعد الغليان صبي عليه كاسين لبن وممكن اكثر على راحتك وحركيه في
اتجاه واحد ترى اذا غيرتي الاتجاه يخرب عليك مايصير متماسك وخليه يطبخ شوي
وانتبهي له لايحترق واذا تشرب بسرعه وحسيتي انه يبغى مويه زيديه شوي مويه
اولبن واذا وصل لهاشكل قصري له مرررره

[ندعوك للتسجيل في المنتدى أو التعريف بنفسك لمعاينة هذه الصورة]
وخليه نص ساعه بعدين ضيفي له دجاج منتف او لحم وحركيه بنفس الاتجاه وخليه ساعه بس طلي عليه كل شوي
[ندعوك للتسجيل في المنتدى أو التعريف بنفسك لمعاينة هذه الصورة]


وبعد ساعه ونص من الطبخ حطي عليه ربع اصبع زبده ورشة مسمنه وعلوب حبحر(( فلفل )) وخليه نص ساعه اخيره
وبعد النص ساعه طلعي (( الفلفل )) وحركيه بقوه بنفس الاتجاه وبامكانك تقديمه بهالشكل
[ندعوك للتسجيل في المنتدى أو التعريف بنفسك لمعاينة هذه الصورة]
والكشنه هذي عباره عن بصل مكشن وتبلته بهيل وليمون اسود ومسمنه اهم شي ولازم مع الرز

[ندعوك للتسجيل في المنتدى أو التعريف بنفسك لمعاينة هذه الصورة]