سمك سنجاري بالصور

نحتاج لها سمك حجمه كبير وملياان أي نووع تلقينه مناسب استخدميه لان الصغير راح يجف

واطلبي من راعي السمك يقصه لتس من النص من جانب واحد ويشيل العامود الفقري

بحيث يكون مفتووح مثل الكتاب زي كذا

[ندعوك للتسجيل في المنتدى أو التعريف بنفسك لمعاينة هذه الصورة]

وللي يجيبونه طازج الله لا يهينتس ظبطيه با البيت

انا شلت الراس وفتحته من البطن وفيه ناس تحتفظ با الراس وتفتحه من الظهر لتس مطلق الحريه ..

نجي للجد طريقة تتبيل السمك وحشوه

اول خطوه نغسل السمك با الملح الخشن والطحين عشان الزفر واذا كان السمك فرش

ما نحتاج ها الخطوه ونقعيه في مويه مع عصير ليمونه وفنجال خل مدة 5 دقايق بس ..

واغسليه ناخذ ثوم كميه انتي تحددينها وزنجبيل ونطحنهم مع ملعقة كركم ورشة ملح خشن

وندهن فيهم بطن السمكه مثل هيك ..ونتركها على جنب ..

نجي للحشوه الاكثر من راائعه

(( نحتاج كزبره وبقدونس وشبت وكراث )) الكميه حسب حجم الحزمه اذا كبيره نصها

واذا صغيره كلها نقطعهم صغار وما يحتاج نورقها + 3 بصلات متوسطه + ملعقة ثوم مطحون

+ طماطه متوسطه + ملعقتين تمر هندي منقووع في مويه مغليه ومصفى + بهارات مشكله

+ فلفل اسود + قرفه مطحونه + ليمون اسود مطحون + ملح خشن + فنجال زيت زيتون ))

نخلط مقادير الحشوه ونتركها 10 دقايق على جنب ..

وهذي هي المقادير جاهزه

[ندعوك للتسجيل في المنتدى أو التعريف بنفسك لمعاينة هذه الصورة]

ناخذ قصدير ونحط منه طبقتين ونحط عليها شوية زيت زيتون ونفرش السمكه ثم نمد الحشوه اللي فوق

[ندعوك للتسجيل في المنتدى أو التعريف بنفسك لمعاينة هذه الصورة]

على السمكه ونحط حلقات ليمون وفلفل بارد وندخله للفرن

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]


ونرفع اطراف القصدير عشان السمكه ما تجف ونرفع جوانب القصدير ونغطي بها السمكه

[ندعوك للتسجيل في المنتدى أو التعريف بنفسك لمعاينة هذه الصورة]

الفرن يكون على حرارة 450 من تحت اذا استوت نبعد القصدير ونحمرها من فوق بس..

[ندعوك للتسجيل في المنتدى أو التعريف بنفسك لمعاينة هذه الصورة]