ديك رومي - حبش بالصور

[ندعوك للتسجيل في المنتدى أو التعريف بنفسك لمعاينة هذه الصورة]

التركى بتاعى مش كبير حوالى 5 كيلو بس
عشان كان على مناسبة عائلية صغيورة

طبعا هنغسل الكتكوت بتاعنا كويس قوى وننشفه كمان كويس قوى
ونحضر التتبيلة
[ندعوك للتسجيل في المنتدى أو التعريف بنفسك لمعاينة هذه الصورة]

البهارات زى مافى الصورة
فلفل اسود-زعتر-روزمارى-قرفة ناعمة-بهارات دجاج-زنجبيل
1معلقة صغيرة من كل نوع
ماعدا القرفة كفاية قوى نصف معلقة
فى كمان مستكة ودى هنطحنها مع معلقة ملح
حبهان وورق غار ودة هنحطه جوة الديك وومكن نستخدم كمان حبهان باودر

[ندعوك للتسجيل في المنتدى أو التعريف بنفسك لمعاينة هذه الصورة]

فى الفود بروسيسورهنفرم البصل مع طماطم

[ندعوك للتسجيل في المنتدى أو التعريف بنفسك لمعاينة هذه الصورة]

هنخلط البهارات كلها مع الملح
[ندعوك للتسجيل في المنتدى أو التعريف بنفسك لمعاينة هذه الصورة]

نضيف البصل والبهارات ونضيفلهم كاتشاب وماسترد وصويا صوص
نخلطهم كويس هيبقوا كدة

[ندعوك للتسجيل في المنتدى أو التعريف بنفسك لمعاينة هذه الصورة]

نبدأ نتبل الكتكوت الصغنطوط

[ندعوك للتسجيل في المنتدى أو التعريف بنفسك لمعاينة هذه الصورة]

هنتبله كويس من جوه وبره وتحت الجلد ونستخدم سباتيولا عشان تساعدنا
نوصل التتبيلة كويس لكل مكان

[ندعوك للتسجيل في المنتدى أو التعريف بنفسك لمعاينة هذه الصورة]

غلفته كويس وهدخله التلاجة لتانى يوم طبعا يستحسن نتبله قبلها بشوية
على الاقل ساعتين

يلا نروح تانى يوم[ندعوك للتسجيل في المنتدى أو التعريف بنفسك لمعاينة هذه الصورة]

حضرت شوية خضار هحطهم معاه بطاطس كوسة جزر
قطع كبيرة نوعا ما عشان تتحمل الفرن فترة طويلة
[ندعوك للتسجيل في المنتدى أو التعريف بنفسك لمعاينة هذه الصورة]

كتفته وربطه كويس وحطيته مع الخضار فى صينية الفرن
وسخنت الفرن بتاعى كويس لدرجة حرارة اعلى من 200
والديك بتعتمد مدة تسويته على وزنه
كل كيلو بياخد نصف ساعة ونطرح من المجموع نص ساعه
يعنى بتاعى وزنه 5 كيلو اخد ساعتين فى الفرن
كل نص ساعة نفتح الفرن ناخد من الصوص اللى بينزل منه ونوزعه عليه
ونقدر نتأكد من السوا بأننا نشك الديك فى اى مكان بطرف سكينة
ونشوف لون السائل اللى بيطلع منه
لو لونه وردى يبقى لسه
لو شفاف يبقى خلاص استوى

ودة الديك بعد ماخرج من الفرن
[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

» معجنات بالصور
» حلي الشاي بالصور
» اللانكشاير بالصور
» دبس التمر بالصور
» كبة السمبوسك بالصور