ازاى تبقى روش؟

ازاى تبقى روش طحن؟
طبعا انا مش هطول عليكم والموضوع باين من عنوانه
ازاى يا مان تبقى روش طحن
خليك معايه وانت هتتروشن على الاخر
اولا/بص يا سيدى انا عيزاك تنسى شكل الحمام دة اصاصى وتنسى شكل الصابونة
وكفاية عليك تستحمى فى الاعياد وايام الامتحانات وشم النسيم ويوم ما تتجوز باذن الله
ثانيا/لازم تنعكش شعرك وتنسى شكل المشط بتاتا ولا اقولك ارمية
ولازم شعرك يبقى واقف كده بشكل مستفذ واوعى تسرحه عايزة القمل والبراغيت تبنى بيوت جوه شعرك وبعدين يبنفع فى تسهيل المسائل يعنى افرض ابوك كبس عليك وانت بتشرب سيجارة ارميها جوه شعرك ومش عيبان وبعدين حاسب لو ضاع منك قلمك او موبايلك هتلاقيهم جوة شعرك
ثالثا/نتكلم بقا يا سيدى على لبسك وزى ما بيقوله كل ما يعجبك والبس ما يعجب الناس
انا بقا بقولك كل ما يعجبك والبس ما يعجبك برضه
واللبس مفيش اسهل منهويتكون من جزئين او دورين
نتكلم عن الدور العلوى
عايزاك كدة تروح تجبلك فالنة وانت تظبتها على مزاجك عايزاك توديها عند ابو فتحى الخياط يديقهولك بشكل غبى ويقصرهولك بشكل اغبى
وانت بقا يا باشا تجيب قلم محترم وتكتبب شوية حروف انجليشا من اللى كنت بتاخدهم فى الحضانة ومحدش فاهم حاجة من اللى انت كتبه اصلا
ولو بقا عايز تتروشن اكتر وتلبس قميص
هتلك قميص من اللى عليه جمجمه كده من ورا وتحتيها كلام بالانجلشا اللى انت مش فاهم منه حاجة
عادى يا مان محدش فاهم حاجةومتخفش مش هتحس بغربةخالص هتلاقى زيك كتييييييير
نرجع بقا للقميص يا ريت كده تطيرلك كام زرار وحتة سلسلة جنزير محترمة
نتكلم بقا عن الدور الارضى ودة بقا سهل جدا جيب اية بنطلون من ايام السبعينات برضة ضيقة عند ابو فتحى الخياط
وسقط بنطلونك بحيث يكون زراير البنطلون ناحية الركبة
بس اوعى يكون ناحية الجزمة واعمل حسابك يا مان
وتجيب بقا حتة حزام انتيكة عارف بتاع المصارعين اهو زيه يكون احمر وبترتر او قلوب حمرة وحتة توكة كبيرة على شكل جمجة
طب هتقولى لية الحزام
هقولك انت هيست منى ولا اية امال هيثبت ازاى البنطلون عند الركبة
وياريت تعملك كده كام شباك كدة على البنطلون
وعادى شكلك مش هيبقى باين بينك وبين المعفن ودى مساهمة من الشباب المتروشنين للشباب المعفنين عشان تعرف يا باشا انك بتعمل خير
وتلبسك كده كتشى احمر بيلمع عشا ن يليق بالحزام عيزاك تعيش شم النسيم مع نفسك
وعيزاك بقا تدلع وسطك ومفيش مانع تدرب كدة فى البيت على اغانى هيفا وروبى
رابعا/بحذرك من انك تسمع كلام الناس
يعنى هتلاقى امك وانت نازل متروشن (اية القرف دة دى شباب اخر زمن)
كبر يا مان انت بتعمل خير
وابوك مثلا(شيفا تربيتك يا بكيزة الولا بقا معفن)
عادى يا مان انت مروشن وفكك منهم
وربنا عطينا ودنين لية ؟
عشان نسمع الكلام من هنا ونطلعه من الودن التانية
وبيس يا مان
خامسا/دى بقا شخصيتك لازم يكون لك شخصية روشة تمشى مع النيو لوك
عايزاك عاطى على عبيط اهبل اهطل فى نظراتك عارف شارلى شابلن فى نظراته اللى مش بينالوا ملامح انت زيه
وعبيط فى طريقة كلامك شفت اللمبى عايزاك نسخة منه
سادسا/الموزز بقى يا كبير اول حاجة لا زم تغير فكرتك عن البنات يعنى زى اختك والكلام دة فكك منه
وكمان مش لما تشوف موزة تتنح وتبلم لالالا لازم تتقل انت دلوقتى روش واتقل على البت تحبك
واول مال هتشوفك اية بت(يا مامى دة شاب كول) وهيجروا وراك زى الدبان
ولا زم تغير انهاردة مع شوشو بكرة مع سوسو بعده مع سوسن
عادى يا برنس روشن نفسك مع البنات
وبعدين دلوقتى انت ليك شخصية جذابة وريحك اللى تفرح القلب
وبرفناتك انا عارفه انك محتاج فلوس كتير عشان النيو لوك انا هوفرلك مع ان سرقة الموبيلات مفيش اسهل منها دلوقتى وكله ماشى نايم استخفر الله العظيم انا مش بوزك ولا حاجة
تجيبلك كلونيا 5 خمسات اكيد عارفها تحت منها جرعتين فقط يوم العيد ويوم فرحك ان شاء الله
سابعا/لسلوكيات دى نصايح ذهبية خدها بالهنا والشفا
1/الندالة كنز لا يفنى
2/لخساسة شرف
3/المعيلة واجب
4/الرجولة وباء
5/الشهامة هبل
وانت كدة بقيت روش طحن

منقول من قهوة المصريين

يسلمووووووووووووو هموسه ع الموضوع الرائع
مودتي وتقديري